bizitza

Bizitzaren sorrera

KUKUA

Apirilaren hasieran entzun zuen aurrena kukua.
Urduri zebilelako beharbada,
kaosa ordenatzeko joera horrengatik beharbada,
kukuak zein notatan kantatzen zuen jakin nahi izan zuen.

Hurrengo arratsaldean, hantxe zegoen basoan zain,
diapasoia eskuan, kukuak noiz kantatuko.
Diapasoiak ez zioen gezurrik.
Si-sol kukuaren notak.

Aurkikuntzak bazterrak astindu zituen.
Mundu guztiak frogatu nahi zuen benetan
nota horietan kantatzen ote zuen kukuak.
Baina neurketak ez zetozen bat.
Bakoitzak bere egia zuen.

Fa-re zirela zioen batek, mi-do besteak.
Ez ziren ados jartzen.

Bitartean, kukuak kantari jarraitzen zuen basoan; 
ez si-sol, ez fa-re, mi-do ezta ere.
Mila urte lehenago bezala, 
kukuak kuku, kuku kantatzen zuen.

Kirmen Uribe

Kirmen Uribek+Mikel Urdangarinek NYen abestu zutenekoa entzun nahi baduzu
Klikatu hemen KUKUA